Պարարտանյութերի սուբսիդավորման ծրագիրը կարելի է ընդլայնել գյուղացիների պահանջարկի աճին զուգընթաց: Այդ մասին այսօր՝ հոկտեմբերի 31-ին, խորհրդարանում պետբյուջեի նախագծի քննարկումների ժամանակ հայտարարեց գյուղատնտեսության նախարար Սերգո Կարապետյանը:
Ընդհանուր առմամբ, պարարտանյութերի սուբսիդավորման համար 1 մլրդ 596 մլն դրամ կառանձնացվի (3,9 մլն դոլար), որոնցից 221 մլն-ը կառանձնացվի ֆոսֆորային պարարտանյութերի, 145- մլն-ը՝ կալիումական, մնացածը՝ ազոտական պարարտանյութերի համար:
Սուբսիդավորված պարարտանյութերը վաճառվում են շուկայականից 25-30% ավելի էժան: «Մենք արդեն մարզպետարաններից ստացել ենք տեղական պահանջարկի մասին տվյալները, սակայն աճին զուգընթաց պատրաստ ենք ավելացնել ֆինանսավորումը», - հավաստիացրեց նախարարը:
