Հոկտեմբերի 30-ի երեկոյան հայտնի ամերիկացի հաղորդավարուհի, գրող ու կոմիկ Չելսի Հենդլերն «Instagram»-ում լուսանկար է հրապարակել, որում նմանակում է Վլադիմիր Պուտինի2009թ.-ի հայտնի լուսանկարը, գրում է «The New York Daily News»-ը: Կիսամերկ Հենդլերը լուսանկարվել է ձիու վրա, կադրը տեղադրել ռուս նախագահի նմանատիպ լուսանկարի հետ: Նկարն ուղեկցվում է #kremlin տեգով ու գրառմամբ՝ «Կինն իրավունք ունի ավելի լավ անել այն ամենն, ինչ կարող է անել տղամարդը»:
Գրառումն արագ տարածվել է ցանցում, սակայն շուտով հեռացվել է «Instagram»-ի ադմինիստրացիայի կողմից՝ վկայակոչելով մերկ կերպար հրապարակելու արգելքը, հաղորդում է «NEWSru.com»-ը:
Հաջորդ գրառման մեջ Հենդլերը գրել է. «Այսինք տղամարդիկ կարող են լուսանկարներում ցուցադրել իրենց պտուկները, կանայք՝ ոչ: Այժմ ո՞ր թվականն է, 1825»:
«Twitter»-ում նա նույն լուսանկարն է հրապարակել ու գրել է. «Նման լուսանկարներն արգելելը խտրականություն է: Ես իրավունք ունեմ ցույց տալ, որ իմ մարմինն ավելի լավն է, քան Պուտինինը»:
Այնուհետ Չելսին դարձյալ հրապարակել է լուսանկարն «Instagram»-ում ու գրառել. «Եթե «Instagram»-ը դարձյալ հեռացնի այն, կնշանակի, որ կարծում են, թե Վլադիմիրն ավելի շատ իրավունքներ ունի, քան ես: Քննարկեք ձեր ղեկավարների հետ»: Մեկ ժամվա ընթացքում նկարը երկրորդ անգամ հեռացրել, ապա վերականգնել ու հեռացրել 3-րդ անգամ:
