Եթե Հայաստանը իր գյուղացիներին ջուր չտա, այն կհոսի Ադրբեջան: Այդ մասին այսօր՝ հոկտեմբերի 31-ին, խորհրդարանում հայտարարեց «Բարգավաճ Հայաստան» խմբակցության պատգամավոր Վահագն Մախսուդյանը:
Մախսուդյանը Ջրային տնտեսության պետական կոմիտեի նոր ղեկավար Վահե Հակոբյանի առաջ հարց է բարձրացրել, որն արդեն ոչ մեկ անգամ է հնչել. նրա կարծիքով, հեղեղաջրերը գյուղացիներին պետք է անվճար տրամադրվի: «Եթե նրանք խորանարդ մետրի դիմաց չեն կարող վճարել 11 դրամ, հենց այնպես տվեք: Ինչ է ստացվում. Սուրենավանում, Արմաշում, Արաքսի ափամերձ գյուղերում գյուղացիները նստած են առանց ջրի: Եթե նրանք չեն կարողանում վճարել, ստացում ջուրը կհոսի Կասպից ծով», - նշեց պատգամավորը:
