Ոստիկանությունն օրերս բացահայտել է ապօրինի թմրամիջոց օգտագործելու եւ իրացնելու հերթական դեպքը:
Ոստիկանության Շենգավիթի բաժին ահազանգ էր ստացվել, որ ոմն տաքսու վարորդ թմրանյութ է իրացնում: Պարզվեց, որ կասկածյալը 60 տարեկան է, վարում է արծաթագույն մեքենա:
Հոկտեմբերի 21-ին արդեն ոստիկանները տաքսու վարորդին հայտնաբերեցին Շիրակի 45 հացեում եւ ուղեւորի հետ բերման ենթարկվեցին բաժին: Այստեղ արդեն պարզվեց, որ տաքսու վարորդն Արարատի մարզի Նոր Խարբերդ գյուղի բնակիչ Հովհան Հովհաննիսյանն է, իսկ ուղեւորը՝ Երեւանի Չարբախ թաղամասի բնակիչ Անդրանիկ Թովմասյանը: Տաքսու վարորդի գրպաններից եւ մեքենայից հայտնաբերվեց եւ առգրավվեց մանրացված դեղնականաչավուն հաշիշանման զանգված: Հովհան Հովհաննիսյանն էլ ոստիկաններին պատմեց, թե կանեփ է աճեցրել՝ սեփական օգտագործման համար:
«5 անգամ էլ Անդրանիկ Թովմասյանին եմ ծախել, զանգեց, ուզեց, ես էլ 3 հազար դրամով ծախեցի»,- ասաց նա:
Փաստի առթիվ հարուցվել է քրեական գործ Քրեական օրենսգրքի 266-րդ հոդվածի 2-րդ 2-րդ կետով եւ 268-րդ հոդվածի 1-ին մասով:
Մանրամասները՝ ոստիկանության պատրաստած տեսանյութում: