ԵԿՄ վարչության նախագահ, գեներալ-լեյտենանտ Մանվել Գրիգորյանը չի հերքում, որ ղարաբաղյան պատերազմի ժամանակ 4 տարի ադրբեջանցի գերու է պահել: Այս մասին այսօր՝ նոյեմբերի 1-ին, Երկրապահ կամավորականների միությունում լրագրողների հետ զրույցում ասաց Մանվել Գրիգորյանը:

«100-ից ավելի գերիներ եմ ունեցել: Բա մարդը ինչի համար ա, մեր տարբերությունը, ուժեղությունը դրա մեջ ա»,-ասաց Մանվել Գրգորյանը:

Լրագրողների հարցին՝ ճիշտ է արդյոք, որ նրանցից մեկի անունը Սիմոն է եղել եւ ինքն է նրան այդպես անվանել, գեներալը պատասխանեց. «Էդի տանն եմ պահել: 2 տարի Մարտակերտում, 2 տարի Հայաստանում: Հետո Կարմիր խաչով հանձնել իմ իրանց: Ինքը մեր ուներ, քուր ուներ, նշանած ուներ, շատ էր ուզում գնալ իրանց տուն, ես էլ թողեցի գնաց: Սիմոնյան Սիմոն, բա հո չե՞մ ասի՝ Ալիեւյան Ալիեւ»:

Գեներալը հերքեց տարածված լուրը, թե գերին 15 տարեկան է եղել:

«Սպեցնազ էր, պարապած եզ, հատուկ ջոկատներից էր, սրան մինչեւ գերի էին բռնել, եսիմ ինչքան դժվարություն ա եղել»,-ասաց նա։