Ճապոնական Toyota ընկերությունը ամենատարբեր թերությունների, այդ թվում՝ կախոցի անսարքության պատճառով 360 հազար ավտոմեքենա է հետ կանչում, գրում է «Ռոսբալտը»՝ վկայակոչելով ընկերության կայքի հաղորդագրությանը: Աղբյուրի փոխանցմամբ՝ ընկերությունը 2011-2014թթ. արտադրության Camry հայտնի մոդելի 170 հազար ավտոմեքենա է հետ կանչում: Մեքենաների մեծ մասը իրացվել է ԱՄՆ-ի եւ Եվրոպայի շուկաներում: Դրանցում հայտնաբերվել են կախոցի անսարքություններ, որոնք կարող են հանգեցնել տրանսպորտային միջոցի կառավարումը կորցնելու վտանգին: Ենթադրվում է, որ դետալները վնասվածքներ են ստացել փոխադրման ժամանակ:
Հետկանչի ակցիան ներառում է նաեւ 2012-2014թթ. թողարկման Crown մակնիշի ավտոմեքենաները՝ հետեւի նստատեղում անվտանգության գոտիների անսարքության պատճառով:
Հիշեցնենք, որ հոկտեմբերին Toyota-ն երկու անգամ հայտարարել էր ավտոմեքենաների հետկանչի մասին: