Թող եռյակը մեր վստահության թեստ չանի, նրանք չէ, որ կարող են դա անել: Այս մասին, այսօր՝ նոյեմբերի 19-ին, լրագրողների հետ հանդիպման ժամանակ նշել է ՀՀԿ խմբակցության պատգամավոր Հովհաննես Սահակյանը:
Նրա խոսքով՝ ՀՀԿ-ն ձգտում է կառուցողական բանակցություններ վարել, բայց անհասկանալի է՝ ինչու են ոչ իշխանական ուժերը նախապայմաններ առաջ քաշում:
«Մենք առաջարկում ենք նրանց՝ եկեք քննարկենք ձեր նախագծերը: Մենք ասում ենք, որ ընտրական համակարգն իրոք կարելի է փոխել: Տարբերակներից մեկը միամանդատ տեղերը կրճատելն է, մյուսը՝ ընդդիմությանը ինչ-որ վերահսկողական գործառույթներ տալ: Բայց պատկերացրեք, ասենք մեզ ինչ-որ բան են առաջարկում, իսկ մենք ասում ենք՝ ոչ, մենք ոչինչ չենք անի, քանի դեռ չեք տվել այն, ինչ մենք ենք ուզում: Եկեք նախ ամբողջությամբ վերացնենք միամանդատ օկրուգները, ներդնենք 100-տոկոսանոց համամասնական ընտրական համակարգ, իսկ մենք կտեսնենք, կարելի՞ է ձեզ վստահել, թե ոչ: Չեմ կարող սա ճիշտ մոտեցում համարել»,-ասել է Սահակյանը:
Նրա խոսքով՝ թող սկզբում եռյակը իր ներսում փոխադարձ վստահության թեստ անի, իսկ հետո արդեն նման թեստերով գա ՀՀԿ-ի հետ հանդիպման: