Հայաստանի Ազգային ժողովն այսօր՝ նոյեմբերի 20-ին, երկրորդ եւ վերջին ընթերցմամբ ընդունեց Սահմանամերձ գյուղական համայնքներում իրականացվող գործունեությունը հարկերից ազատելու մասին» օրենքի նախագիծը, որին ընդունվեց 76 կողմ, 3 դեմ եւ 18 ձեռնպահ ձայներով, հաղորդում է NEWS.am-ի թղթակիցը:
Ազգային ժողովը նաեւ երկրորդ եւ վերջին ընթերցմամբ ընդունեց «Սահմանամերձ համայնքների սոցիալական աջակցության մասին» օրենքի նախագիծը, որին կողմ քվեարկեց 97 պատգամավոր, դեմ եւ ձեռնպահ չկար:
«Անձնական տվյալների պաշտպանության մասին» օրենքում լրացումներ կատարելու նախագծի քվեարկությունից առաջ ՕԵԿ խմբակցության ղեկավար հեղինե Բիշարյանը հայտարարեց, որ օրինագծում կան վիճելի դոդվածներ եւ անհրաժեշտ է եւս մեկ անգամ քննարկել այն: Նա 20 րոպեով ընդմիջում խնդրեց: Ընդմիջումից հետո ԲՀԿ պատգամավոր Միքայել Մելքումյանը հայտարարեց, որ հաշվի առնելով, որ երկրում իրավական պաշտպանությունը ցածր մակարդակի վրա է եւ մարդու անձնական տվյալները կարող են արտահոսել արտերկիր, ԲՀԿ-ն չի մասնակցելու քվեարկությանը:
Այս օրինագիծը 61 կողմ, 2 դեմ, 1 ձեռնպահ ձայների հարաբերակցությամբ չանցավ: