2015թ. պետբյուջեի նախագծում զարգացման նշաններ չկան: Այդ մասին այսօր՝ նոյեմբերի 20-ին, լրագրողներին հայտարարեց տնտեսագետ, «Բարգավաճ Հայաստան» կուսակցության անդամ Վարդան Բոստանջյանը: Նրա խոսքով՝ այն 4,1%-անոց տնտեսական աճը, որն իր առջեւ նպատակ է դրել կառավարությունը, հազիվ թե հնարավոր լինի հասնել:
«Հանրապետության արդյունաբերությունը գտնվում է լճացման փուլում եւ սահմանափակվում է ունեցած ռեսուրսների շահագործմամբ: Նորարարությունների կամ արդյունաբերության նոր ճյուղերի զարգացման ոլորտում ես ոչ մի ջանք չեմ տեսնում: Մենք արտահանում էինք մետաղական կոնցենտրատներ եւ շարունակում ենք դա անել: Որտե՞ղ է այստեղ զարգացումը: Եթե ինչ-որ մեկն ինձ այն մատնանշի, ես շատ ուրախ կլինեմ», - նշեց Բոստանջյանը: