Զամբիայի նախագահի պաշտոնի համար կառաջադրվոն պետության հանգուցյալ ղեկավարի այրին եւ նրա երկու այլ ազգականները: Ընտրությունները կկայանան հաջորդ տարվա հունվարին, փոխանցում է ՏԱՍՍ-ը՝ վկայակոչելով նախագահի այրի Քրիսթին Քասեբային:
Քասեբան հայտարարել է, որ ցանկանում է ավարտին հասցնել ամուսնու նախանշած ծրագրերը: «Կորստի ցավը, որ ես կրում եմ, անհամեմատելի է այն ցավի հետ, որը ես կզգամ, եթե նախագահ Սաթայի ցանկությունները չիրականանան»,- հայտարարել է նա:
Հիշեցնենք, Զամբիայի նախագահը վախճանվել էր հոկտեմբերին՝ 77 տարեկան հասակում: Ըստ Սահմանադրության՝ նախագահի ընտրությունները պետք է կայանան երեք ամսվա ընթացքում:
Գործակալությունը հստակեցնում է, որ նախագահ դառնալու ձգտում ունի նաեւ Սաթայի խորթ որդի Մուլենգան եւ ազգական Մայլս Սամպան: Այս պահի դրությամբ առաջադրվելու ցանկություն են հայտնել 7 թեկնածուներ:
