«Պրիմորսկի օկեանարիում» գիտակրթական համալիրի շինարարության ժամանակ խոշոր գումարի հափշտակության կասկածանքով ձերբակալվել է Անդրեյ Պոպլավսկին, հայտնում է «Վեստին»:
Աղբուրի փոխանցմամբ՝ Պոպլավսկին ավելի քան 40 մլն ռուբլի է հափշտակել կատարված աշխատանքները արհեստական ուռճացնելու ճանապարհով: Գործարարը կալանավորվել է հիվանդանոցից, որտեղ ընկել էր գործով կասկածյալ ճանաչվելուց անմիջապես հետո:
Օկեանարիումի շինարարության գործում խարդախության փաստով երկու քրեական գործ է հարուցվել: Քննության վարկածով՝ «Մոստովիկ» ձեռնարկության ախատակիցները խաբեությամբ հաշփշատկել են 1 մլրդ 982 մլն ռուբլի:
Մի քանի օր առաջ Ռուսաստանի նախագահ Վլադիմիր Պուտինը այցելել էր «Պրիմորսկի օկեանարիում»: Նախագահին հայտնել են, որ օբյեկտը 90%-ով պատրաստ է: Նախագահը հանձնարարել է, որ 6 ամիս անց օկեանարիումը պետք է լիովին պատրաստ լինի, հայտնում են տեղական լրատվամիջոցները:
