Մոլդովան ռուսական գազի այլընտրանք է գտել: Այդ մասին հայտարարել է երկրի փոխվարչապետ, էկոնոմիկայի նախարար Անդրիան Կանդուն, գրում է «ՌԲԿ»-ն:
Նրա խոսքով՝ մոտակա տարիներին ոչ մեծ ծավալների մատակարարումներ կիրականացվեն. Ռումինիան «Գազպրոմից» կանկախանա դեռ 5-6 տարի անց: Ռումինիայի հետ գազի մատակարարման պայմանագիր դեռեւս չի կնքվել:
Գործակալությունը հիշեցնում է, որ 2014թ. օգոստոսին Մոլդովային գազի դիվերսիֆիկացված մատակարարումների շրջանակներում գործարկվել է ռումինա-մոլդովական Յասի-Ունգենի գազատարը: Ներկա պահին գազատարով գրեթե ոչինչ չի մատակարարվում: Այժմ տարվում են տեխնիկական բնույթի աշխատանքներ, որոնք կավարտվեն հաջորդ տարի:
Այսօրվա դրությամբ Ռումինիան 20-30%-ով դեռեւս չի ծածկում գազի սեփական պահանջմունքները, իսկ անհրաժեշտ գազը գնում է «Գազպրոմից»: Գազի հարցով Ռումինիան Ռուսաստանից լիովին կանկախանա 5-6 տարի անց, երբ Սեւ ծովում սկսի հանույթը: «Միայն դրանից հետո կարելի է ասել, որ Ռումինիան կարող է Մոլդովային կամ այլ հարեւան-պետություններին, օրինակ Բուլղարիային, գազ տրամադրել», - ընդգծել է նախարարը:
Տվյալ պահին ռուսական գազի գինը Մոլդովայի համար խմ-ի դիմաց կազմում է 331,8 դոլար: Մոլդովան տարեկան սպառում ՝ 1,2-1,5 մլրդ խմ գազ: Եթե հաշվի առնենք նաեւ Մերձդնեստրի պահանջմունքները, ընդհանուր ծավալը կհասնի մինչեւ 3 մլրդ խմ, ասել է Կանդուն: