Հայաստանում թրաֆիքինգից տուժողները, որպես կանոն, խաբեության զոհ չեն: Այդ մասին այսօր՝ նոյեմբերի 20-ին, խորհրդարանում հայտարարեց փոխոստիկանապետ Հունան Պողոսյանը՝ ներկայացնելով «Մարդկանց թրաֆիքինգի եւ շահագործման ենթարկված անձանց ինքնության եւ աջակցության մասին» օրինագիծը:
Նրա խոսքով՝ Հայաստանում թրաֆիքինգի մասին իրազեկությունը բավականին բարձր է, եւ քաղաքացիների մեծ մասը կարող են աշխատանքի վերաբերյալ սովորական առաջարկությունները տարբերել կասկածելիներից:
Ոստիկանությունը կանխարգելիչ գործողությունները համատեղում է օպերատիվ գործողությունների հետ՝ հաշվի առնելով, որ թրաֆիքինգի զոհերը հաճախ չեն դիմում իրավապահ մարմիններին:
«Մենք փորձում ենք նմանատիպ դեպքերը ինքներս բացահայտել», - հայտարարեց փոխոստիկանապետը:
