Սահմանամերձ գյուղերի բնակիչների համար ընդլայնելու են հիփոթեքային վարկերի արտոնությունները: Համապատասխան առաջարկն ընդգրկված է «Եկամտահարկի մասին» օրենքի փոփոխություններում, որոնք ներկայացվել են խորհրդարանի քննարկմանը:
Հոկտեմբերի վերջին, երբ օրինագիխն առաջին անգամ ներկայացվեց, առաջարկվել էր սահմանամերձ գյուղերի բնակիչներին վերադարձնել հարկը հիփոթեքային վարկի տոկոսի չափով, բայց միայն կառուցողից նոր բնակարան գնելու դեպքում:
Ինչպես նոյեմբերի 20-ին հայտարարել է ֆինանսների փոխնախարար Վախթանգ Միրումյանը, անցած ժամանակահատվածում ընդունվել է հանրապետական պատգամավոր Սամվել Ֆարմանյանի առաջարկը՝ արտոնություն տարածել նաեւ նոր գյուղական տների շինարարության հիփոթեքային վարկավորման վրա:
