Ոստիկանության հատուկ ստորաբաժանումները ցրել են մեքսիկական մայրաքաղաքի գլխավոր հրապարակում հավաքված ցուցարարներին, ովքեր պահանջում են գտնել սեպտեմբերին առեւանգված ուսանողներին եւ պատժել հանցագործներին:
Իշխանությունները ուժ են կիրառել, երբ մի քանի հարյուր դիմակավորված ցուցարարներ Ազգային պալատի պատերի մոտ բախվել են ոստիկանների հետ: Տուժածների մասին հաղորդագրություններ չեն ստացվել, հայտնում է BBC-ի ռուսական ծառայությունը:
Մեքսիկայում չեն դադարում անհայտ կորածներին գտնելու պահանջով ցույցերը: Հիշեցնենք, որ սեպտեմբերի 26-ին Մեխիկոյից 200 կմ հարավ գտնվող Իգուլա քաղաքում ոստիկանության հետ ցուցարարների բախումներով ավարտված ցույցից հետո 43 ուսանող անհայտ կորել է:
Ականատեսները պատմում են, որ նրանց տարել են ոստիկանական մեքենաներով: Մեքսիկայի դատախազությունը հաղորդել է, որ առեւնագումների կազմակերպման մեջ կասկածվում է Իգուալայի քաղաքապետը:
