Ոսկերչության ոլորտում անհրաժեշտ է նվազեցնել ԱԱՀ-ի հարկման բազան: Այդ մասին այսօր՝ նոյեմբերի 21-ին, էկոնոմիկայի նախարարությունում ոսկերչական ոլորտի ներկայացուցիչների մասնակցությամբ քննարկումների ժամանակ հայտարարեց «Երեւանի ոսկերչական գործարան» ՓԲԸ-ի փոխտնօրեն Աբգար Մկրտչյանը: Նրա խոսքով՝ պետք է հաշվի առնել, որ Հայաստանում ձեւավորում է ոսկերչական իրերի արժեքի ընդամենը 10-15%-ը: Մնացյալը ներմուծված ոսկի եւ քարեր են: «Եթե այդպես է, ինչու մենք դրանց համար պետք է ԱԱՀ վճարենք: Թող մեզ թույլ տան վճարել միայն Հայաստանի ներսում ձեւավորվող արժեքի այդ 15%-ի ավելացված արժեքը», - ասաց Մկրտչյանը:
Սակայն այս փաստարկը չբավարարեց էկոնոնիկայի նախարար Կարեն Չճմարիտյանին. Նույն իրավիճակում են գտնվում ոչ քիչ ոլորտներ. «Շատերն աշխատում են ներմուծվող հումքի հիման վրա՝ այստեղ եւ դեղագործությունն է, եւ քիմիան, եւ շատ այլ ոլորտներ:», - ասաց Չշմարտիյանը:
«Մենք պատրաստ են տրամադրել հիմնավորումները, թե ինչպես կփոխհատուցենք իջեցված ԱԱՀ-ն աճող արտադրության հարկերով», - հավաստիացրեց Մկրտչյանը: