Ամերիկուհի Ռուբի Հոլթն իր կյանքում առաջին անգամ տեսել է օվկիանոսը իր 101-րդ տարեդարձից մեկ շաբաթ առաջ: Նա իր ողջ կյանքն անցկացրել է Թեննեսի նահանգում գտնվող ֆերմայում, եւ նա երբեք փող չի ունեցել օվկիանոսի ափ մեկնելու համար, հաղորդում է BBC-ն:
«Ես լսել եմ, թե մարդիկ ոնց էին պատմում, որ օվկիանոսը հրաշալի է եւ ուզում էի տեսնել, բայց երբեք նման հնարավորություն չեմ ունեցել»,-ասել է Ռուբին:
Ծերերի օգնության կենտրոնը, որտեղ հիմա ապրում է Ռուբին, վճարել է, որ նա գնա ու տեսնի օվկիանոսը Մեքսիկայի ծոցում: Մինչ այդ նա իր հայրենի նահանգը լքել է ընդամենը մեկ անգամ:
