Կալիֆոռնիա նահանգի Սան Ֆրանցիսկո քաղաքում Sterling Bank & Trust շենքի 11-րդ հարկից պատուհան լվացող է ընկել: Ոստիկանությունում հայտնել են, որ տղամարդն ընկել է անցնող մեքենայի վրա:
Տուժածին կոտրվածքներով տեղափոխել են հիվանդանոց: Բժիշկները նրա վիճակը ծանր են գնահատում:
Միջադեպը տեղի է ունեցել տեղի ժամանակով առավոտյան 10:00-ին: Toyota Camri-ի վարոդը, որի վրա ընկել է տղամարդը, չի տուժել, սակայն նրա մեքենայի գրեթե կեսը վնասվել է, փոխանցում է ՏԱՍՍ-ը:
Ըստ ականատեսների՝ անկումը տեղի է ունեցել այն պահին, երբ պատուհան լվացողը գործընկերոջ հետ պատրաստվել էին սկսել աշխատանքը: Միջադեպի պատճառները ճշտվում են:
Սա ԱՄՆ-ում նման առաջին դեպքը չէ: Նոեմբերի 12-ին հրշեջները փրկել էին երկու պատուհան լվացողի, որոնք մնացել էին Համաշխարհային առեւտրի կենտրոնի պատի ապակիների արանքում: Դեպքի վայր ժամանած հրշեջները կտրել էին երկնաքերի հաստ ապակիները, որտեղ մնացել էր պատուհան լվացողը, որից հետո աշխատողները կարողացել էին շենք մտնել: