2003թ. ՀՀ կառավարությունը նոյեմբերի 22-ը հռչակեց Բանկային համակարգի աշխատողի օր։ Այս տոնի ներմուծմամբ պետությունն ընդգծում է բանկային համակարգի կարեւոր դերը եւ ՀՀ տնտեսության զարգացման եւ դրա ֆինանսական կայունության ապահովման գործում բանկային համակարգի աշխատակիցների ներդրած զգալի ավանդը։
Օրվա ընտրությունը պայմանավորված է նրանով, որ 1993թ. նոյեմբերի 22-ին Հայաստանի տարածքում ռուբլու փոխարեն շրջանառության մեջ դրվեց ազգային արժույթը՝ դրամը։ Վերլուծաբանները եւ տնտեսագետները կարծում էին, որ դրամին անցնելը երկրին ֆինանսական եւ բանկային համակարգի կայունացման, նաեւ՝ տնտեսության զարգացման հնարավորություն տվեց։
