Հոնդուրասի պաշտոնանկված ոստիկանապետ Ռամոն Սաբիլյոնը կողմնակիցների հետ թաքնվել է հրամանատարության շենքում եւ չի ցանկանում լքել պաշտոնը։
Ըստ մամուլի՝ շենքը հսկում են Սաբիլյոնին հավատարիմ տասնյակ ոստիկաններ։ «Նա չէր կարող հեռացվել պաշտոնից։ Միակ մարդը, ով կարող է դա անել, հանրապետության նախագահն է, եւ օրենքի համաձան՝ դրա համար պետք է պատճառ լինի, բայց այն չկա», - ոստիկանապետի լիազորված անձի խոսքերն է մեջբերում La Segunda-ն։
Հոնդուրասի ոստիկանապետի պաշտոնանկության մասին հինգշաբթի հայտարարել էր երկրի անվտանգության նախարար Արտուրո Կորալեսը։ Փոխոստիկանապետ էր նշանակվել Ֆելիքս Վիլյանուեւան։ Սակայն նորանշանակ ոստիկանապետը չի կարողանում պաշտոնին անցնել, քանի որ Սաբիլյոնը հրաժարվել է նրան հանձնել ոստիկանական ուժերի վերահսկողությունը։ Երկրի նախագահ Խուան Օռլանդո Էրնանդեսն այժմ այցով գտնվում է ԱՄՆ-ում, փոխանցում է «ՌԻԱ Նովոստին»։
