Չիլիի դատարանը բանտային կալանքի է դատապարտել պաշտոնաթող երկու գնդապետների, որոնք կտտանքների էին ենթարկել երկրի գործող նախագահ Միշել Բաչելետի հորը։
Պաշտոնաթող երկու գնդապետներ Ռամոն Քասերես Հորքերը եւ Էդգար Սեւալոս Ջոնեսը երեք եւ երկու տարի ժամկետով ազատազրկման են դատապարտվել՝ 1973թ. Պինոչետի ռազմական հեղաշրջումից հետո չիլիական ԶՈՒ բրիգադային գեներալ Ալբերտո Բաչելետի կտտանքների ենթարկելուն մասնակցելու համար, փոխանցում է BBC-ի ռուսական ծառայությունը։
Միշել Բաչելետի՝ Չիլիի առաջին կին նախագահի հայրը, 1974թ. վախճանվել էր սրտի կաթվածից։
Պինոչետի զինվորական բռնապետության տարիներին՝ 1973 – 1990թթ., քաղաքական դրդապատճառներով սպանվել կամ անհետ կորել էր ավելի քան 3 հազար մարդ։