Գաբրիել Գարսիա Մարկեսի անվան գրականության առաջին մրցանակակիրը արգենտինացի գրող Գիերմո Մարտինեսն է:
Մրցանակի հանձնման արարողությունը տեղի է ունեցել Կոլումբիայի մայրաքաղաքի «Կոլոն» թատրոնում: Արարողությանը մասնակցել է Կոլումբիայի նախագահ Խուան Մանուել Սանտոսը, ով ընդգծել է այդ միջոցառումն անցկացնելու կարեւորությունը՝ այն անվանելով «պատմության մեջ ամենամեծ գրողի արժանի մեծարանք», հայտնում է «ՏԱՍՍ»-ը:
Գիերմո Մարտինեսը այդ մրցանակին արժանացել է «Գարշելի երջանկություն» պատմվածքների ժողովածուի համար: «21-րդ դարի լավագույն լատինամերիկյան գրողների ցուցակում դուք լավագույնն եք», - դիմելով հաղթողին՝ հայտարարել է նախագահը: