Նոյեմբերի 17-ին ոստիկանության Արաբկիրի բաժին է բերվել Արմավիր քաղաքի բնակիչ Ալեքսանդր Պապյանցը՝ Ռուսաստանի Դաշնության 20-ամյա բնակչին գլխուղեղի վնասվածք հասցնելու եւ նրանից ոսկյա շղթա գողանալու կասկածանքով:
Ոստիկանների բացատրական աշխատանքներից հետո Ալեքսանդրը ծիծաղը դեմքին, մեծ խանդավառությամբ պատմել է ընկերոջ հետ երիտասարդին ծեծի ենթարկելու եւ նրա 650 000 դրամ արժողությամբ ոսկյա շղթան հափշտակելու դեպքի մանրամասները։
Ավազակային հարձակման առթիվ հարուցվել է քրեական գործ ՔՕ-ի 176-րդ հոդվածի հատկանիշներով: Ձեռնարկվում են միջոցառումներ նրա հետ երիտասարդին ծեծի ենթարկած անձի ինքնությունը եւ դեպքի վայրը պարզելու եւ իրացված ոսկյա շղթան հայտնաբերելու ուղղությամբ:
Նշենք, որ Ալեքսանդր Պապյանցը նախկինում եւս մի քանի անգամ ոստիկանության տարբեր բաժիններ է բերվել կեղծ ահազանգերից հետո եւ ստորագրությամբ բաց է թողնվել:
Վերջինը, այցելելով ժամանցի վայրեր եւ չկարողանալով վճարել գումարը, պատրվակ էր հորինում՝ մասնավորապես ահազանգելով ոստիկանություն եւ տեղեկացնելով, թե իբր մոտը թմրանյութ եւ կեղծ թղթադրամներ կան, որպեսզի իրեն բերման ենթարկեն, եւ ինքը ազատվի վճարելու պարտականությունից:
Մանրամասները դիտեք տեսանյութում։