Փրկարար ծառայությունը նոյեմբերի 24-ին, ժամը 05.06-ին ահազանգ է ստացել, որ Լճաշեն-Չկալովկա ավտոճանապարհին տեղի է ունեցել ՃՏՊ. ավտոմեքենան դուրս է եկել երթեւեկելի մասից եւ շրջվել, տուժածներ չկան. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-10 միջպետական ավտոճանապարհի Սեւան – Գավառ հատվածի 14-րդ կմ-ում «Սանյոնգ» մակնիշի KK280A50 պ/հ ավտոմեքենան (վարորդ` Ա. Գ.) դուրս է եկել երթեւեկելի մասից եւ շրջվել. տուժածներ չկան:
Հրշեջ-փրկարարները ուղղել են ավտոմեքենան եւ դուրս բերել երթեւեկելի հատված:
