Ավստրալիայում 30-ամյա կինը մեղադրվում է սեփական երեխայի սպանության փորձի մեջ, հայտնում է Lenta.ru-ն:
Ըստ աղբյուրի՝ կինը նորածնին թողել է ջրահեռացման համակարգում, սակայն հինգ օր անց դեռ ողջ երեխային հայտնաբերել է հեծանվորդների զույգը, որոնք զբոսնում էին Արեւմտյան Սիդնեյում եւ հանկարծ բետոնե սալաքարի տակից երեխայի լաց են լսել:
Այն բարձրացնելու համար պահանջվել են մի քանի մարդու ջանքեր: Սալաքարի տակ գտնվող առվում հիվանդանոցի ծածկոցում փաթաթված նորածին է եղել:
Ոստիկանությանն ընդամենը մի քանի ժամ է պահանջվել մոր անունը պարզելու համար: Պարզվել է, որ երեխային նա 2,5 մ խորությամբ առվում թողել է նոյեմբերի 18-ին:
