Սքարբորո-Աջինուրթայի (Տորոնտոյի շրջան, Կանադա) պատգամավոր Առնոլդ Չենը Կանադայի Լիբերալ կուսակցության անունից լուրջ անհանգստությունն է հայտնել ադրբեջանական կողմից հայկական ուղղաթիռի խոցման կապակցությամբ:
«Կցանկանայի ցավակցություններս հայտնել զոհված օդաչուների ընտանիքներին եւ ընկերներին», - հայտարարել է Առնոլդ Չենը: «Ես խորապես անհանգստացած եմ այն հանգամանքով, որ այս միջադեպը կարող է հանգեցնել այդ երկու երկրների միջեւ լարվածության էկալացիային»;
Կանադայի Լիբերալ կուսակցության անդամը նշել է, որ դատապարտում է ցավալի միջադեպը: Միեւնույն ժամանակ, Առնոլդ Չենը կողմերին կոչ է արել պահպանել հանգստություն եւ ԵԱՀԿ Մինսկի խմբի ձեւաչափում նպաստել խաղաղ գործընթացին: «Հակամարտության խաղաղ կարգավորումը խաղաղության եւ անվտանգության հաստատման լավագույն ուղին է»:
Aդրբեջանի ԶՈւ կողմից խոցված ուսումնավարժական ուղղաթիռի օդաչուների հոգեհանգստի արարողակարգը, քաղաքացիական եւ զինվորական հրաժեշտի արարողությունը տեղի կունենա նոյեմբերի 24-ին, ժամը 17.00-20.00-ն, Նոր-Նորքի Սուրբ Սարգիս եկեղեցում: