Իրանի եւ միջազգային միջնորդների «վեցնյակի» միջեւ համընդգրկուն համաձայնության ձեռքբերման համար վերջնաժամկետը տեղափոխվել է 2015թ. հուլիսի 1-ին, հայտնում է «ՌԻԱ Նովոստին»:
Աղբյուրի փոխանցմամբ՝ շրջանակային համաձայնության կնքման վերջնաժամկետը նշանակվել է հաջորդ տարվա մարտին:
Նոյեմբերի 24-ին լրանում է այն ժամկետը, որի ընթացքում միջազգային միջնորդների վեցյակը (ԱՄՆ, Մեծ Բրիտանիան, Ֆրանսիա, Գերմանիա, Ռուսաստան եւ Չինաստան) եւ Իրանը պետք է երաշխիքների մասին համաձայնագիր մշակեն՝ Իրանի միջուկային ծրագրի բացառապես խաղաղ բնույթի եւ երկրի նկատմամբ միջազգային պատժամիջոցները վերացնելու կարգի վերաբերյալ: