Եվրասիական տնտեսական միությանը Հայաստանի անդամակցությունը հանրապետության գործարարներին մինչեւ 7%-ով թույլ կտա կրճատել ծախսերը: Այդ մասին այսօր՝ նոյեմբերի 24-ին Եվրասիական միությանը երկրի անդամակցության շուրջ խորհրդարանական լսումների ժամանակ հայտարարեց նախագահի խորհրդական Կարինե Մինասյանը:
Նա նշեց Հայաստանի փորձի եզակիությունը. Հանրապետությունը մի քանի տարի շարունակ ասոցացման մասին բանակցություններ է վարել Եվրոպական միության հետ, իսկ հետո հաջողությամբ անցել Եվրասիական տնտեսական միությանը անդամակցության շուրջ բանակցություններին: «Մենք կարող ենք տնտեսական կամուրջ դառնալ երկու կառույցների միջեւ», - ընդգծեց Մինասյանը:
Ինչ վերաբերում է ֆինանսական ինտեգրմանը, ապա ԵՏՄ-ն մտադիր է վերազգային ֆինանսական շուկային անցնել 2025թ.: «Սա նշանակում է, որ մեր բանկերը կարող են անարգել գործել Եվրասիական միությունում: Սակայն մինչեւ այդ անհրաժեշտ է լուրջ ճանապարհ անցնել», - նշեց Մինասյանը: