«Օրինաց երկիր» կուսակցության աշխատակազմի ղեկավար է նշանակվել Արմեն Հարությունյանը:
Կուսակցության մամուլի ծառայությունից տեղեկանում ենք, որ այսօր՝ նոյեմբերի 24-ին, կայացել կուսակցության քաղաքական խորհրդի նիստը, որը վարել է կուսակցության նախագահ Արթուր Բաղդասարյանը:
Քաղաքական խորհուրդը քննարկել է կուսակցության կազմակերպական եւ կառուցվածքային խնդիրներին վերաբերող մի շարք հարցեր: Մասնավորապես` քաղաքական խորհուրդի որոշմամբ ՕԵԿ աշխատակազմի ղեկավար է նշանակվել Արմեն Հարությունյանը: Քաղխորհրդի մեկ այլ որոշմամբ ՕԵԿ արտաքին կապերի պատասխանատու է նշանակվել Պողոս Շահինյանը:
