Հայաստանը բոլորովին էլ մի գիշերում չէ Եվրասիական միություն մտել: Այս մասին նոյեմբերի 24-ին խորհրդարանում Եվրասիական Միությանը Հայաստանի անդամակցության հարցով լսումների ընթացքում հայտարարել է ՀՀ փոխարտգործնախարար Շավարշ Քոչարյանը:
Նա հիշեցրել է, որ դեռեւս 2012թ. օգոստոսին Հայաստանը հայտարարել էր ՄՄ-ին՝ ներկայիս ԵՏՄ-ի նախորդին անդամակցելու հնարավորության մասին: Դրանից հետո աշխատանքային խումբ էր ձեւավորվել, որը, դարձյալ միանգամայն թափանցիկ, ուսումնասիրել էր անդամակցության հարցերը: Պայմանագրի ստորագրմանը նախորդել են բազմաթիվ աշխատանքային հանդիպումներ: «Այդ պատճառով էլ Հայաստանի որոշումը ոչ ոքի համար այդքան անսպասելի չպետք է լինի», - նշել է նա:
Հիշեցնենք, որ ԵՏՄ-ին Հայաստանի անդամակցության պայմանագրի վավերացումը սպասվում է մինչեւ 2015 թ. հունվարի 1-ը: