Պարկուրի համաշխարհային չեմպիոն Թիմ Շիֆը կեցվածք է ընդունել Լոնդոնի կենտրոնի շենքերի տանիքներին եւ մերկ վազել Մեծ Բրիտանիայի մայրաքաղաքի մի քանի կայարաններով: Այս մասին գրում է «Կոմսոմոլսկայա Պրավդա»-ն:
Լոնդոնյան տանիքներին սեւ-սպիտակ ֆոտոսեսիան անելու հարցում նրան օգնել է գործընկերը՝ Ջեյսոն Փոլը:
Նախագծի նպատակն է եղել՝ փորձել առօրյա կյանքում լոնդոնցիների եւ մայրաքաղաքի հյուրերի ուշադրությունը հրավիրել մերկ մարդկային կերպարի արտիստիզմին այնպիսի ձեւերում, ինչպիսիք են, օրինակ, արձանները, նկարները կամ նույնիսկ մերկ մարդը: Բացի այդ, ընկերները գումար են հավաքել Ջեյմի Օլիվերի բարեգործական հիմնադրամի համար: Ֆոտոսեսիայի ութ լուսանկարները կարելի է գնել 100-600 ֆունտ սթեռլինգով:
Լոնդոնում ինքնատիպ ֆոտոսեսիան Թիմ Շիֆի արդեն երկրորդ նման նախագիծն է:
