Կենդանիների սիրահարները Facebook-ում ֆիզիկական հաշվեհարդարի սպառնալիքներ են տեղացել կնոջ հասցեին, ով սոցիալական ցանցում իր կատվին լողացնելու լուսանկար է հրապարակել: Այս մասին գրում է FedPost-ը:
Արտասովոր լոգանքը կատվի համար պատիժ է եղել, որը կերել է իր տիրուհու պիցցան: Լուսանկարը հրապարակելուց կարճ ժամանակ անց կենդանիների պաշտպանները 22-ամյա բրիտանուհուն մեղադրել են կատվին ծաղրելու համար եւ սպառնալիքներ տեղացել: Արդյունքում միջադեպով հետաքրքրվել են Կենդանիների պաշտպանության թագավորական հանրությունն ու տեղական ոստիկանությունը:
Այդ կառույցների ներկայացուցիչները գնացել են կնոջ տուն, սակայն նրա հանդեպ մեղադրանք առաջադրելու ոչ մի հիմք չեն գտել:
Ավելի քան 3000 մարդ է միացել առցանց ստորագրահավաքին, որը կենդանիների պաշտպանության տեղական ծառայությանը կոչ է արել հետաքննություն սկսել: Միաժամանակ, այլ ակտիվիստներ բրիտանուհու հանդեպ սպառնալիքներ են տեղացել՝ սպառնալով բռնությամբ:
Ակտիվիստները Կենդանիների պաշտպանության թագավորական հանրությանը կոչ են անում հնարավորինս արագ միջադեպի լիարժեք հետաքննություն անցկացնել: