Արգենտինայի նախագահ Քրիստինա Ֆերնանդես դը Քիրշները հիվանդությունից հետո վերադարձել է աշխատանքի: Հիվանդանոցից դուրս գրվելուց հետո առաջին անգամ նոյեմբերի 25-ին նա միջոցառման է մասնակցել, փոխանցում է ՏԱՍՍ-ը՝ վկայակոչելով նախագահի անձնական բժիշկներին:
Հիվանդության պատճառով պետության ղեկավարը չի մասնակցել Բրիսբենում նոյեմբերի 15-16-ին կայացած G20 գագաթաժողովին: Բժիշկները առաջվա պես նախագահին խորհուրդ են տալիս չլարվել եւ խուսափել արտասահմանյան այցերից:
61-ամյա նախագահը վերջերս ուղեղի հեմատոմայի հեռացման վիրահատության էր ենթարկվել, որը առաջացել էր ընկնելիս ստացած վնասվածքի հետեւանքով: Դրանից մեկ տարի առաջ էլ նախագահը վահանաձեւ գեղձի հեռացման վիրահատության էր ենթարկվել, երբ նրա մոտ քաղցկեղ էին կասկածել: Սակայն ուռուցքը բարորակ էր եղել: