Եվրասիական տնտեսական միությունը եւ Հարավամերիկյան ընդհանուր շուկան (Մերկոսուր) լիաֆորմատ տնտեսական գործակցություն կզարգացնեն: Երկու դաշինքների փորձագետները արդեն գործնականում մշակել են համագործակցության հուշագիրը, հայտնել է Եվրասիական տնտեսական հանձնաժողովի առեւտրի նախարար Անդրեյ Սլեպնյովը՝ ամփոփելով Բուենոս Այրեսում կայացած բանակցությունների արդյունքները, գրում է «ՌԻԱ Նովոստին»:
«Գործընթացը, որը մենք այսօր գործարկում ենք, թույլ կտա վերացնել փոխադարձ առեւտրում խոչընդոտները եւ կոոպերացման, համատեղ արտադրության համար նոր հնարավորություններ գտնել», - ասել է Սլեպնյովը:
«Կցանկանայի նշել, որ երկու բլոկներն էլ գտնվում են ընդլայնման եւ ամրապնդման փուլում. հունվարից ԵՏՄ-ին կանդամակցի Հայաստանը, այնուհետեւ՝ Ղրղզստանը, իսկ Մերկուսուրը ապագայում կընդլայնվի՝ ի հաշիվ Բոլիվիայի անդամակցության», - իր հերթին, նշել է Արգենտինայում ՌԴ-ի դեպսան Վիկտոր Կորոնելլին: