Ռուսաստանցի իրավապաշտպան Պավել Կովալենկոյին մեղադրում են շուրջ 56 հազար միգրանտի ապօրինի գրանցելու մեջ, փոխանցում է Lenta.ru-ն ՝վկայակոչելով ՌԴ Գլխավոր դատախազության հաղորդագրությունը:
Ըստ աղբյուրի՝ Մոսկվայի մարզի 33-ամյա բնակիչ Պավել Կովալենկոյին մեղադրական ակտը հանձնելուց հետո քրեական գործն ուղարկվելու է Մոսկվայի Սիմոնովյան դատարանի դիտարկմանը:
Ըստ քննության վարկածի՝ «Զաշիտա» աշխատանքային միգրանտների իրավունքների պաշտպանության միջազգային արհմիության վարչության քարտուղար Կովալենկոն ապօրինի փաստաթղթեր է ձեւակերպել՝ արտասահմանյան քաղաքացիներին միգրացիոն զանգվածային հաշվառման համար: Արդյունքում 2013 թ. հունվարից մինչեւ 2014 թ. հունիս Ռուսաստանի ԴՄԾ մարմիններ են ներկայացվել շուրջ 56 հազար ծանուցումներ արտասահմանյան քաղաքացիների մասին, որոնք իբր ժամանել են Լենինսկայա Սլոբոդա փողոց, շենք 26, շինություն 3 եւ Ավտոզավոդսկայա փողոց, շենք 17 , 1-ին մասնաշենք:
