2015 թվականից «Toyota Motor» ընկերության մի քանի նոր մոդելներ հագեցած են լինելու մի համակարգով, որը մեքենաներին թույլ կտա «շփվել» իրար հետ: Այս մասին գրում է gazeta.ru-ն:

Ավտոկոնցեռնի ներկայացուցիչները պաշտոնապես հայտարարել են, որ Toyota Safety Sense P հատուկ փաթեթը նաեւ հնարավորություն կընձեռի ենթակառուցվածքային օբյեկտներից անվտանգ երթեւեկության համար տեղեկություն ստանալ:

Վատ տեսանելիությամբ խաչմերուկներում վարորդը կկարողանա մոնիթորի վրա տեսաձայնային ազդանշաններ ստանալ մոտեցող ավտոմեքենաների կամ փողոցն անցնող հետիոտների մասին: Նաեւ ազդանշան կտրվի հատուկ ծառայությունների մեքենաներին զիջելու կամ լուսակրի մոտ կանգնելու մասին: Արտադրողները կարծում են, որ դա կհանգեցնի խցանումների եւ ճանապարհային պատահարների թվի նվազմանը: