Ամերիկացի հայտնի անձինք կոչ են արել բոյկոտել «սեւ ուրբաթը»՝ երկրի ամենաշահութաբեր օրը, ի նշան սեւամորթ դեռահաս Մայքլ Բրաունի գործով դատարանի որոշման դեմ բողոքի:
Մի շարք աստղեր, այդ թվում հիփ-հոփ կատարող Ռասել Սիմոնսը, դերասանուհի Քեթ Գրեհեմը եւ հեռուստահաղորդավարուհի Սոլեդադ Օ Բրայանը Twitter-ով կոչ են արել այդ օրը գնումներ չկատարել: Իրենց դիմումներում նրանք #NotOneDime (Ոչ մի դրամ) եւ #BlackoutBlackFriday ( խավարել «սեւ ուրբաթը») հեշթեգներ են տեղադրել:
«Չկա արադարություն՝ չկա շահույթ: Կորպորատիվ իշխանությունը խոսում է միայն դոլարի լեզվով: Դե ուրեմն եկեք խոսենք նրանց հետ», — գրել է դերասան Ջեսի Ուիլյամսը, հայտնում է
Հիշեցնենք, Ֆերգյուսոնում նոյեմբերի 24-ին բողոքի ցույցեր էին սկսել, երբ դատարանը որոշել էր դատական պատասխանատվությունից ազատել 18-ամյա Մայքլ Բրաունին սպանած ոստիկանին:
«Սեւ ուրբաթը», որը հաջորդում է Գոհաբանության օրվան, ավանդաբար համարվում է սուրբծննդյան եւ ամանորյա մեծ զեղչերի սեզոնի բացման օրը: