Կենտրոն եւ Նորք Մարաշ ընդհանուր իրավասության առաջին ատյանի դատարանում այսօր՝ նոյեմբերի 28-ին, կշարունակվի Նորքի ինֆեկցիոն հիվանդանոցից փախուստի դիմած Սուրեն Վաչիկի Գաբրիելյանի գործից առանձնացված մասով դատաքննությունը: Այս մասին NEWS.am-ի թղթակցի հետ զրույցում ասաց գործով մեղադրյալներ Արա Կիրակոսյանի եւ Մելիք Եսայանի պաշտպան Հակոբ Ճարոյանը:
Նա նշեց, որ այսօրվա նիստում ինքը հիմնավորելու է, որ մեղադրական եզրակացությունը չի բխում քրեական գործ նյութերից, ըստ այդմ՝ դատախազը պարտավոր էր այն չհաստատել եւ չուղարկել դատարան: Հակոբ Ճարոյանը մտադիր է ինքնաբացարկ հայտնել դատախազին: Փաստաբանը նաեւ հայտնեց, որ ինքը կապացուցի, որ գործով տուոժղը տուժող չէ, գործը շինծու է, մեղադրանքներն էլ՝ անհիմն: Հակոբ Ճարոյանն ասաց, որ բացարակներ ներյայացնելուց հետո, ըստ դատավարական նորմերի, երբ հասնի միջնորդությունների փուլին, ինքը անպայման միջնորդելու է դատարան կանչել եւ հարցաքննել ՕԵԿ առաջնորդ Արթուր Բաղդասարյանին, փոխարտգործնախարար Շավարշ Քոչարյանին եւ Հայաստանում Իրանի դեսպանին:
Հիշեցնենք, որ Նորքի ինֆեկցիոն հիվանդանոցից փախուստի դիմած Սուրեն Վաչիկի Գաբրիելյանի մասով քրեական գործի քննությունը առանձնացվել է: Մյուս երկու մեղադրյալների՝ Արա Կիրակոսյանի եւ Մելիք Եսայանի մասով քրեական գործը ուղարկվել է դատարան, այն քննվում է Կենտրոն եւ Նորք-Մարաշ ընդհանուր իրավասության դատարանում դատավոր Մնացական Մարտիրոսյանի նախագահությամբ: Սուրեն Գաբրիելյանի մասով գործը առանձնացվել է, քանի որ նա գտնվում է փախուստի մեջ: Այս գործում խառնված են մի շարք պաշտոնյաններ մասնավորապես փաստաբան Ճարոյանը մտադիր է դատարան կանչել ԱԱԽ նախկին քարտուղար Արթուր Բաղդասարյանին, ԱԳ նախարարի տեղակալ Շավարշ Քոչարյանին: Հակոբ Ճարոյանն հայտնել է, թե Արթուր Բաղդասարյանի ուղարկած գրության հիման վրա հարուցված քրեական գործի արդյունքում ՀՀ երեք քաղաքացի է դատվում եւ Հայաստանի բանկերից մեկտ 8մլն եվրո է տվել ԻԻՀ դեսապանատնը, 1մլն էլ դեռ պետք է տա: Բանն այն է, որ այս գործի շրջանակներում կալանավորվածները մեղադրվում են պաշտոնական դիրքի չարաշահման, փողերի լվացման, խարդախության համար եւ կալանքի տակ գտնվող անձանցից մեկը՝ Արա Կիրակոսյանը, եղել է այդ բանկի կառավարիչ: Բանկը, ընդունելով, որ իր աշխատակիցը խախտում է արել, սակայն չսպասելով քննության ավարտին, դատավճռին, ԻԻՀ դեսպանատանը իր միջոցներից տվել է 8մլն եվրո, դեռ 1մլն-ն էլ պետք է տա: