Ռուսաստանի Գերագույն դատարանը նոյեմբերի 27-ին ուժի մեջ է թողել ծնունդով Ադրբեջանից Օրհան Զեյնալովի դատավճիռը, ով 17 տարվա ազատազրկման էր դատապարտվել մոսկվացուն սպանելու համար, ինչը 2013 թվականին Արեւմտյան Բիլյուլեւոյում զանգվածային անկարգությունների պատճառ էր դարձել: ՌԻԱ Նովոստիի փոխանցմամբ, այսպիսով մեղադրական վճիռն ուժի մեջ է մտել:
Հիշեցնենք, որ հուլիսի վերջին Մոսկվայի քաղաքային դատարանը Զեյնալովին մեղավոր էր ճանաչել խուլիգանական դրդապատճառով սպանություն կատարելու մեջ՝ ադրբեջանցուն դատապարտելով 17 տարվա ազատազրկման եւ 3 մլն ռուբլի առգրավել՝ զոհվածի հոր օգտին:
2013 թվականի հոկտեմբերի 10-ի գիշերը Զեյնալովը վիճաբանություն էր սկսել Շչերբակովի հետ, հարձակվել նրա վրա եւ դանակի մի քանի հարված հասցրել: Հետաքննության փուլում մեղադրյալն առաջ էր քաշել ինքնապաշտպանության վարկածը, բայց հետո ամբողջությամբ հերքել էր իր առնչությունը միջադեպին:
Սպանությունը նախ հանգեցրել էր Արեւմտյան Բիրյուլեւոյում «ժողովրդական հավաքի», իսկ հետո՝ զանգվածային անկարգությունների: Բնակիչներն իշխանություններից պահանջում էին լուծել մայրաքաղաքի հարավում բնակվող միգրանտների խնդիրը եւ փակել ոչ հեռու գտնվող բանջարեղենի բազան: Արդյունքում, շուրջ 400 մարդ էր ձերբակալվել: