Հայաստանի նախագահ Սերժ Սարգսյանը ի պատիվ Միացյալ Նահանգների պետքարտուղարի Հիլարի Քլինթոնի նախագահական նստավայրում աշխատանքային ընթրիք է տվել:
«Շնորհակալություն ինձ եւ իմ պատվիրակությանն այստեղ ջերմորեն ընդունելու համար: Ես մեծ ակնկալիքներով եմ սպասում մեր հետագա հանդիպումներին»,-ասել է Հիլարի Քլինթոնը:
Նշենք, որ այսօր՝ հուլիսի 4-ին ԱՄՆ պետքարտուղար Հիլարի Քլինթոնը տարածաշրջանային այցի շրջանակներում ժամանել է Հայաստան: Մինչ այդ նա եղել է Ադրբեջանում, որտեղ բանակցություններ է վարել նախագահ Իլհամ Ալիեւի եւ արտգործնախարար Էլմար Մամեդյարովի հետ:
Աշխատանքային ընթրիքից հետո տեղի է ունեցել Հայաստանի արտաքին գործերի նախարար Էդվարդ Նալբանդյանի եւ ԱՄՆ պետքարտուղար Հիլարի Քլինթոնի մամուլի ասուլիսը:
