2014թ.-ի նոյեմբերին «Յունիբանկ» ՓԲԸ-ն Salesforce ամպային CRM–համակարգի «վարկային կոնվեյերի» օգնությամբ տրամադրել է ընթացիկ տարվա 100-հազարերորդ հոբելյանական սպառողական վարկը: 100-հազարերորդ վարկի ստացողը դարձավ ուսուցչուհի Բյուրեղիկ Սարգսյանը: Նոր տարվա նախաշեմին, բանկի աշխատակիցները կշնորհավորեն հաճախորդին եւ կհանձնեն հաճելի նվեր:
Յունիբանկը գործարկել է վարկային հայտերի հաստատման ավտոմատացված համակարգը` «վարկային կոնվեյերը», 2013թ.-ի մայիսին: Համակարգը մշակվել է «Պրոտոբեյզ Լաբարատորիզ» իննովացիոն ընկերության կողմից, որը ԱՊՀ երկրներում Salesforce.com-ի եւ Inergy Analytical Solutions B.V. բացառիկ գործընկերն է: «Պրոտոբեյզ Լաբարատորիզ» ընկերության լուծումներն ուղղված են ֆինանսական կազմակերպությունների բիզնես գործընթացների օպտիմալացմանը, աշխատանքի որակի բարելավմանը, արտադրողականության եւ վաճառքների արդյունավետության բարձրացմանը:
Նոր համակարգի գործարկումը հնարավորություն տվեց Յունիբանկին ավտոմատացնել հաճախորդի վարկունակության գնահատման եւ պրոֆիլի կառուցման գործընթացը` բացառելով աշխատակիցների կողմից «ձեռքով» աշխատանքը: Այդ կերպ էապես կրճատվեց վարկային գործարքների ձեւակերպման եւ սպասարկման ժամանակը, ինչն, իր հերթին, հնարավորություն տվեց ավելացնելու բանկի մանրածախ վարկերի քանակը մի քանի անգամ: Միայն այս տարի Յունիբանկի «կոնվեյերը» ուսումնասիրել է ավելի քան 200 հազար վարկային հայտ, որից մոտ 50%-ը հաստատվել են: Ընդ որում, վարկային հայտի վերաբերյալ բանկի պատասխանը հաճախորդին տրամադրվել է մեկ րոպեում:
Ժամանակակից տեխնոլոգիաների կիրառմամբ սպասարկման որակի բարձրացումը Յունիբանկի հերթական քայլն է դեպի հաճախորդը: Ֆիզիկական անձանց վարկավորման ծավալներով Յունիբանկը հայաստանյան առաջատար բանկերի եռյակում է: Ս.թ. նոյեմբերի վերջին բանկի կողմից ֆիզիկական անձանց տրամադրված վարկերի ծավալը գերազանցել է 60 մլրդ դրամը, ինչը կազմում է բանկի ընդհանուր վարկային պորտֆելի 52%-ը: Նախորդ տարվա նույն ցուցանիշի համեմատ սպառողական վարկերի ծավալն աճել է 24%-ով, իսկ քանակը` 65%-ով:
Սպառողական վարկերը կարելի է ձեւակերպել Յունիբանկի գլխամասային գրասենյակում կամ 46 մասնաճյուղերում, ինչպես նաեւ` բանկի հետ համագործակցող 500 առեւտրային կետերում: Հաճախորդների հարմարավետ սպասարկման նպատակով, խոշոր վաճառասրահներում բանկը բացել է նաեւ 50 պրոմո-կետ:
Նշենք, որ վարկային հայտը կարելի է ներկայացնել նաեւ օնլայն` առանց բանկ այցելելու: Դրա համար ընդամենը պետք է լրացնել www.unibank.am կայքում կամ բանկի ֆեյսբուքայն էջում (www.facebook.com/unibankarmenia) տեղադրված պարզ ձեւը:
Յունիբանկը կշարունակի համագործակցությունը «Պրոտոբեյզ Լաբարատորիզ» ընկերության հետ եւ կզարգացնի CRM–լուծումները նաեւ կորպորատիվ ուղղությամբ:
«Պրոտոբեյզ Լաբարատորիզ»-ն ֆինանսական հատվածի համար առաջադեմ ծրագրային ապահովում մշակող եւ մատակարարող ընկերություն է: Այն մասնագիտացված է CRM-ի, Big Data-ի, բիզնես գործընթացների ավտոմատացման ոլորտներում` օգնելով բիզնեսին բարձրացնելու շահութաբերության եւ հաճախորդների սպասարկման մակարդակը: Ամպային լուծումներն այսօր ներկայացնում են առավել տնտեսող բիզնես մոդել եւ հնարավորություն են տալիս խնայել ընկերության ժամանակը եւ ռեսուրսները` ապահովելով բարձր արտադրողականություն: Լրացուցիչ տեղեկությունների համար: www.protobase.ru