Մեծ Բրիտանիայի վարչապետ Դեւիդ Քեմերոնը խոստացել է սահմանափակել ԵՄ երկրներից ներգաղթը եւ չի բացառել Եվրամիությունից դուրս գալու հնարավորությունը, եթե միության մյուս պետությունները հրաժարվեն իմիգրացիոն բարեփոխումների անցկացումից, հայտնում է «ՏԱՍՍ»-ը:
Վարչապետը հավելել է, որ մտադիր է իրացնել ներգաղթը կրճատելու իր ծրագիրը, եթե իր կուսակցությունը հաջորդ տարվա ընտրություններին հաղթանակի: Ավելի վաղ, նա նաեւ խոստացել էր ընտրություններում հաղթանակի դեպքում 2017թ. ԵՄ-ի կազմում Մեծ Բրիտանիայի հետագա ճակատագրի շուրջ հանրաքվե անցկացնել:
Իր ելույթում Դեւիդ Քեմերոննը ընդգծել է, որ իմիգրացիան անհրաժեշտ է բրիտանական տնտեսության զարգացման համար, սակայն կառավարությունը պետք է այն վերահսկելու հնարավորություն ստանա՝ բացասական սոցիալական հետեւանքները բացառելու նպատակով:
