Իտալիայի Վերոնայում ծրագրում են կառուցել ուղղահայաց գերեզմանատուն:
Այստեղ 33 հարկերում ենթադրում են տեղավորել 24 հազար գերեզման, փոխանցում է Direct Press-ը:
Ըստ աղբյուրի՝ նման անսովոր կառույցի շինարարության վերաբերյալ որոշումն ընդունվել է Վերոնայում սովորական «հորիզոնական» գերեզմանատներում տեղերի բացակայության պատճառով:
Քաղաքային խորհրդի պաշտոնյաները հավանություն են տվել Cielo Infinito ընկերության ներկայացրած նախագծերին՝ քաղաքի արվարձաններում ժամատներով ֆուտուրիստական աշտարակներ կառուցելու վերաբերյալ: Թաղել կարելի կլինի ինչպես հանգուցյալի աճույնամոխիրը, այնպես էլ մարմինը՝ դագաղում կամ ընտանեկան դամբարանում:
Նախագծի վերաբերյալ վերջնական որոշում չի կայացվել. Դրա համար անհրաժեշտ է քաղխորհրդի քվեարկություն:
Եվրոպայում բազմահարկ աշտարակների նախագիծը, որոնք կծառայեն որպես վերջին հանգրվան, ներկայացվել էր Նորվեգիայում՝ մեկ տարի առաջ: Հնդկաստանում ներկայումս կառուցվում է նման շինություն, որը կոչվում է Moksha tower: Համարժեք կառույց արդեն կա Բրազիլիայում: