ՀՀ քաղաքացիների տվյալների նոր բազայում պետք է պարզություն մտցնել: Այս մասին այսօր՝ նոյեմբերի 28-ին, ԱԺ-ում «Հանրային ծառայությունների համարանիշի կիրառման վերաբերյալ» թեմայով լսումների ժամանակ հայտարարել է ԱԺ տեղական ինքնակառավարման հարցերով մշտական հանձնաժողովի նախագահ, ԲՀԿ խմբակցության պատգամավոր Ստեփան Մարգարյանը:
«Օրինակ, երբ գնում ես գույքահարկ վճարելու, անհնար է վճարել ուրիշի փոխարեն, որովհետեւ չունես նրա համարանիշը: Կամ վճարումների մասին քո տվյալները կարող են արգելվել, եւ մի քանի ամիս անց կարող են քեզ հայտարարել, որ դու հարկերդ չես վճարել եւ դեռ պետք է տուգանք վճարես ուշացնելու համար»,-ասել է Մարգարյանը:
Նրա խոսքով՝ ընդհանուր առմամբ, այս համակարգը հաջող է կիրառվում եւ սկզբունքային փոփոխությունների կարիք չունի:
