Ավստրալիայի Դաշնային ոստիկանությունը ուրբաթ օրը թմրանյութերի խոշոր խմբաքանակ է առգրավել՝ 1,3 մլրդ դոլար ընդհանուր արժեքով, փոխանցում է «Ֆրանս Փրեսսը»։
Ըստ գործակալության՝ ապօրինի բեռը հայտնաբերել են Սիդնեյի մաքսատան աշխատակիցները՝ Գերմանիայից ուղարկված կահույքի կոնտեյները ստուգելիս։
Թմրանյութերի հայտնաբերումից հետո քաղաքային իշխանությունները կարգադրել են բեռը ուղարկել նշված հասցեով։ Ավելի ուշ ոստիկաններին հաջողվել է ձերբակալել 23-34 տարեկան վեց մարդու։ Նրանց մեղադրանք է առաջադրվել մեծ քանակությամբ թմրանյութեր բերելու համար, փոխանցում է «ՌԻԱ Նովոստին»։
