Ռուսաստանից սպասվող ներդրումները ուշանում են արեւմուտքի պատժամիջոցների պատճառով, սակայն պարտադիր կգան: Այդ մասին այսօր՝ նոյեմբերի 29-ին, լրագրողներին հայտարարեց տնտեսական գիտությունների դոկտոր Աշոտ Թավադյանը:
Նրա խոսքով՝ եվրասիական ինտեգրման գործընթացները այսպես թե այնպես ենթադրում են Ռուսաստանի, ինչպես նաեւ Բելառուսի եւ Ղազախստանի հետ կապերի ամրապնդում:
«Մենք արդեն ստացել ենք մերձեցման ակնհայտ օգուտները. գազի գինը 1000 խմ-ի դիմաց կազմում է 189 դոլար, ինչպես նաեւ ՀԱԷԿ-ի գործողության ժամկետի երկարաձգման համար ստացել ենք 270 մլն դոլար վարկ», - հայտարարեց Թավադյանը:
Սական ամենագլխավորն այն է, որ Հայաստանը տնտեսվարման ձեւը փոխելու հնարավորություն է ստացել. հանրապետությունը կարող է ավելի քիչ ապրել արտասահմանից ստացվող տրանսֆերտների, եւ ավելի շատ՝ արդյունաբերության հաշվին, որը կսպասարկի Ռուսաստանի եւ ԵՏՄ-ի հսկայական շուկան, նշեց Թավադյանը:
Հիշեցնենք, որ ԵՏՄ-ին Հայաստանի անդամակցության մասին պայմանագիրն ուժի մեջ կմտնի 2015 թվականի հունվարի 1-ին: Մինչ այդ, սպասվում է երկրի խորհրդարանում անդամակցության մասին Պայմանագրի վավերացումը: