ԼՂՀ ՊԲ հարավարեւելյան ուղղությամբ տեղակայված զորամասերից մեկում դեկտեմբերի 4-ին մահացու վիրավորում ստացած 19-ամյա Արթուր Մարգարյանը նախնական տվյալներով ինքնասպանություն է գործել:
Նրան հայտնաբերել են կրծքավանդակի շրջանում հրազենային մարմնական վնասվածքով: Վերջինս զինվորական հոսպիտալ տեղափոխելու ճանապարհին մահացել է:
Ինչպես NEWS.am-ին հայտնեցին ՀՀ Քննչական կոմիտեից, հարուցվել է քրեական գործ Քրեական օրենսգրքի 110-րդ հոդվածով՝ ինքնասպանության հասցնելը: Կատարվում է քննություն:
Նշենք, որ Արթուրը գյումրեցի էր, մեկ տարվա զինծառայող եւ պետք է զորացրվեր եկող տարվա աշնանը:
Ավելի վաղ ՊԲ-ի մամուլի ծառայությունը հայտնել էր, որ դեկտեմբերի 4-ին, ժամը 15:40-ի սահմաններում մահացու հրազենային վիրավորում է ստացել զինծառայող, 1995թ. ծնված Արթուր Պերճի Մարգարյանը: Միջադեպի մանրամասները պարզելու համար տարվում է քննություն:
