Պետդեպը խորապես մտահոգված է Ադրբեջանում քաղաքացիական հասարակության, այդ թվում՝ լրագրողների գործունեության նկատմամբ գործադրվող սահմանափակումներից: Այս մասին դեկտեմբերի 5-ի ճեպազրույցում հայտարարել է Պետդեպի ներկայացուցիչ Մարի Հարֆը՝ պատասխանելով «Ազատություն» ռադիոյի լրագրող Խադիջա Իսմայիլովայի կալանավորման մասին հարցին:
Ըստ նրա՝ Վաշինգտոնն ավելի ու ավելի է մտահոգված այն փաստից, որ կառավարությունը չի կատարում միջազգային պարտավորությունները, երբ գործը վերաբերում է նման հարցերին: ԱՄՆ ներկայացուցիչներն իհարկե շատ անգամ են բարձրացրել այդ հարցը»:
Խադիջա Իսմայիլովան կալանավորվել էր դեկտեմբերի 5-ին ինքնասպանության դրդելու մեղադրանքով, նրան մինչեւ յոթ տարվա ազատազրկում է սպառնում:
Նշենք, որ միջազգային կազմակերպությունները խստորեն դատապարտել են լրագրողի կալանավորումը:
