Դեկտեմբերի 12-ին Կահիրեում կայանալու է «Արաքս» հայկական երգչախմբի համերգը, որի ընթացքում հնչելու են աշխարհահռչակ շանսոնյե Շառլ Ազնավուրի երգերը:

Ըստ Ahram Online կայքի, Կահիրեի եւ Ալեքսանդրիայի հայ համայնքի անդամների թիվը չի գերազանցում 6 հազարը, սակայն բավական ակտիվ է հատկապես մշակութային միջոցառումների անցկացման հարցում: «Արաքս» երգչախումբը պարբերաբար հանդես է գալիս համերգներով:

Երգչախումբը սկզբում կոչվել է «Զվարթնոց», սակայն 2003 թվականին նոր ղեկավար եւ դիրիժոր Միհրան Ղազելյանի կողմից անվանափոխվել է: