NEWS.am-ը զգալի կրճատումներով մեջբերում է ամերիկյան «The Washington Post» թերթում հրապարակված տվյալ պարբերականի աշխատակցի հոդվածը.
Քադիջա Իսմաիլովայի աշխատանքը կենսականորեն կարեւոր աշխատանք կլիներ ցանկացած երկրի համար, սակայն այն խիզախում էր Ադրբեջանում՝ նավթով հարուստ սուլթանությունում, որը Խորհրդային Միությունից առաջ եւ հետո ղեկավարվում էր Հեյդար Ալիեւի կողմից, իսկ այժմ որդու՝ նախագահ Իլհամ Ալիեւի կողմից: Վերջին տարիներին Իսմաիլովան իշխող ընտանիքի թաքնված հարստությունների վերաբերյալ հետաքննություն էր իրականացնում: Այժմ ահա տիրակալները պատասխան հարված են հասցրել նրան, որպեսզի ստիպեն նրան լռել:
Կալանավորման համար չարամիտ հիմք է ծառայել դեկտեմբերի 4-ին Ռամիզ Մեխտիեւի՝ Ալիեւի աջ ձեռքի կողմից հրապարակված 60 էջանոց մանիֆեսթը, որտեղ ենթադրվում է, որ Միացյալ Նահանգները Ալիեւին տապալելու նպատակով երկրի ընդդիմության հետ դավադրություն են կազմակերպել, ինչպես եւ այս տարվա սկզբում եղավ Ուկրաինայում: Մանիֆեսթում ուղղակիորեն քննադատվում է Իսմաիլովան, ինչպես նաեւ ենթադրվում է, որ տեղեկատվությունը վերջինիս տրամադրել են օտարերկրյա լրտեսները:
Ադրբեջանը փորձում է իր էներգետիկ հարստությունների օգնությամբ շահել Արեւմուտքի լավ տրամադրվածությունը եւ հպարտանում, որ իր երկրում 2012թ. անցկացրել է Եվրատեսիլ մրցույթը: Սակայն ամեն ինչ այդքան էլ լավ չէ Կասպից ծովի մերձափնյա հատվածում: Ալիեւը ոչ միայն խորտակում է առանձին մարդկանց կյանքեր, այլ նաեւ փորձում է «բանտել» ինքնին ազատության հայեցակարգը: ԱՄՆ-ն եւ Եվրոպան պետք է նրան հիշեցնեն, որ այդ չարագույժ հավակնությունը ոչ մի հաջողութան չի հասցնի, այլ միայն կվնասի երկրին:
